Отримане Општинске змаганє у столним тенису

автор мзг, фото тиф
876 Опатрене

РУСКИ КЕРЕСТУР – У физкултурней сали керестурскей Основей и штреднєй школи зоз домом школярох „Петро Кузмяк” пондзелок, 30. октобра, отримане Општинске змаганє у столним тенису, на хторим участвовали школяре зоз Руского Керестура, Кули, Червинки и Липару.

У катеґориї основних школох екипно перше место завжала керестурска Школа „Петро Кузмяк”, за хтору бавели Матей Сабадош и Велько Шомодї, а у истей конкуренциї у поєдинєчним змаганю перши бул Матей Сабадош, други Желько Шомодї, а треци Никола Бульчик. Ище бавели и Иґор Фейди, Матей Макаї и Александар Шанта.

У конкуренциї штреднїх школох, и у хлопскей и женскей екипней катеґориї, керестурска Школа тиж так була перша. У хлопскей катеґориї екипно бавели Стефан Горняк и Иґор Маньош, хтори завжал и перше место у поєдинєчней катеґориї, а Горняк друге место.

У женскей катеґориї керестурску Школу екипно представяли Дорис Бучко и Дияна Величкович. Величковичова завжала перше место и у поєдинєчней конкуренциї, Бучкова друге, а треце место Марияна Виславски.

Школярох керестурскей Школи за змаганє порихтали наставнїкове физичного воспитаня Славко Пап и Любо Орос.

Побиднїки у екипних и поєдинєчних катеґорийох пласовали ше на Зонске змаганє, хторе будзе отримане 8. новембра у Бачким Брестовцу.

11-rk stolni tenis 02

ПОВЯЗАНИ ТЕКСТИ