Отримане друженє старих особох з Керестура, Коцура и Кули

автор мст
1.1k Опатрене

РУСКИ КЕРЕСТУР – З нагоди Мешаца старих особох, штварток, 19. октобра пополадю у Велькей виронаучней сали у Руским Керестуре Каритас орґанизовал друженє за стари особи з Кули, Коцура и Керестура. То перше таке заєднїцке друженє на хторим було коло 40 учашнїкох, а з нїма були и керестурски капелан о. Михайло Шанта, шестри Цецилия Суботнїцки и Михаїла Воротняк и волонтере Каритасу.

Коло 40 учашнїки ше медзи собу поупознавали, мали вецей рекреативни бависка, а були и гудаци, та векшина затанцовала. Найвеселши и найсхопнєйши у бавискох достали скромни награди, а понеже двом учашнїцом праве того дня бул родзени дзень – було и торти.

Як наглашел дотерашнї руководитель Каритасу Янко Катона, коцурски и керестурски Каритас и надалєй буду сотрудзовац, та идуце заєднїцке стретнуце будзе за младих, у Коцуре.

13-Karitas-02

ПОВЯЗАНИ ТЕКСТИ