Отримани Фестивал ручних роботох и сувенирох

автор зам
941 Опатрене

КУЛА – У орґанизациї Здруженя женох „Идея” з Кули, Туристичней орґанизациї (ТО) Општини Кула, а з потримовку Општини и Канцелариї за локални економски розвой Општини Кула, у Ленїновей улїци (опрез дакедишнього биоскопу) у Кули вчера отримани Лєтнї фестивал ручних роботох и сувенирох.

Свойо продукти викладали коло трицец викладаче зоз скоро цалей Войводини, медзи нїма и членїци домашнєй „Идеї”, Здруженя женох „Байка” з Руского Керестура, як и Гелена Хома з Нового Саду.

Фестивал отворели предсидателька Здруженя женох „Идея” Серафина Бики и директор ТО Владимир Станкович, а у пригодней културно-уметнїцкей програми на отвераню участвовала и Дзивоцка шпивацка ґрупа Руского КУД „Др „Гавриїл Костельник” з Кули, хтору пририхтал Сашо Палєнкаш.

Фестивал тирвал од 10 до 19 годзин, а за шицких учашнїкох и нащивительох орґанизована и томбола з дарунками учашнїкох, дзе шицки числа дацо даставали.

ПОВЯЗАНИ ТЕКСТИ