Пенєжни кари за амброзию

автор мар
964 Опатрене

РУСКИ КЕРЕСТУР – По одлуки Скупштини општини Кула, о защити польопривредних поверхносцох, шацох, дильовох и яркох предписане же власнїки и хаснователє обрабяцих поверхносцох длужни и обовязни знїщиц амброзию на своїх парцелох и на дильовох опрез нїх.

Амброзия чкодзи здравю гражданом, велї алерґични на єй полен, та прето и принєшена така Одлука. Попри тим, нєобходне ушорйовац и шицки желєни поверхносци у населєних местох, дзе рошнє амброзия.

Шицки гражданє кулскей општини, та и Керестура, обовязни знїщовац амброзию опрез обисцох, або дїловних обєктох, нука у дворе, односно на поверхносцох шицких катастерских парцелох у їх власносци.

Польочуварска служба, котра роби однєдавна, уж утвердзела же у хотаре єст вельо парцели на котрих рошнє амброзия, а по спомнутей општинскей Одлуки, польочуваре буду пописовац парцели з амброзию, та власнїки, односно хаснователє достаню плациц кару котра предписана зоз Законом.

ПОВЯЗАНИ ТЕКСТИ