Почал валалски Турнир улїцох

автор сас
753 Опатрене

ҐОПОДЇНЦИ – Штернасти Турнир улїцох у Ґосподїнцох, на котрим ше у фодбалу змагаю екипи подзелєни по улїцох, того лєта почал прешлого вовторку, а орґанизую го млади з того валалу. На змаганю буду участвовац дзеветнац екипи у трох катеґорийох. Штири ґрупи пионирох, шейсц ґрупи кадетох и дзевец сениорох.

-Змаганє першенствено обдумане як спортске друженє. Того року ше змагаю млади од седем по штерацец роки. Дакеди ше на тим Турниру змагали лєм екипи у котрих бавели змагателє лєм зоз тей улїци, алє ми им дакус попущели, та зме ше нє тримали на тельо того правила, гварел Милан Кужетин, єден з орґанизаторох Турнира.

Кед хвиля дошлєбодзи, змаганя буду кажди дзень, три тижнї односно по 1. авґуст. Турнир почина на 19,30 г., а тирва до 23 годзин. Орґанизацию потримали Месна заєднїца Ґосподїнци и Општина Жабель, як и валалски Фодбалски клуб „Єдинство”.

ПОВЯЗАНИ ТЕКСТИ