По 1. юний тирва Конкурс Заводу

автор ядю
1.1k Опатрене

НОВИ САД – Конкурс за софинансованє програмох и проєктох очуваня, пестованя, презентациї и розвою култури и уметносци рускей заєднїци у Републики Сербиї, котри розписал Завод за културу войводянских Руснацох (ВР) отворени по 1. юний.

Конкурс ше одноши на програми/проєкти зоз обласцох очуваня и пестованя нєматериялного културного скарбу рускей заєднїци и програми сучасней уметнїцкей творчосци рускей заєднїци чия реализация предвидзена у 2018. року.

Вкупна сума средствох планованих за тоти намени, у складзе зоз Одлуку о финансийним плану Заводу за културу ВР за 2018. рок виноши 1.450 000 динари. Од вкупней суми средствох по Одлуки УО число 107-1/18 од 14. мая 2018. року 1.000 000 динари ше опредзелює за Програми очуваня и пестованя нєматериялного културного скарбу рускей заєднїци, а 450 000 динари за Програми сучасней уметнїцкей творчосци рускей заєднїци.

Приоритети софинансованя проєктох за програми очуваня и пестованя нєматериялного културного скарбу рускей заєднїци и програми сучасней уметнїцкей творчосци рускей заєднїци.

Текст конкурсу, правилнїк о способе, критериюмох и мерадлох за софинансованє програмох и проєктох, и формулар можеце превжац на сайту Заводу www.zavod.rs, лєбо на тим линку.

ПОВЯЗАНИ ТЕКСТИ