Предпремиєра дзецинскей представи КПД „Дюра Киш“

автор влдї
780 Опатрене

ШИД – На лєтнєй бини у порти Лєтнєй владическей резиденциї у Шидзе вчера, 6. юния, предпремиєрно виведзена дзецинска драмска представа КПД „Дюра Киш“ з назву „Алибаба и 40 збойнїки”, по тексту Тодея Николетича, а у режиї Цветина Аничича.

У представи ґлумя 12-еро дзеци зоз Шиду, Бикичу, Берекасова и Бачинцох котрих, попри Аничича, за участвованє у представи пририхтовали и Наташа Еделински Миколка, Далибор Болдиш, наставнїца Златка Сивч Здравич и мр Вера Дупало.

Вчера виведзени ище два предстви – „Контролни“, Театру „Федра“ з Буґойну, з Босней и Герцеґовини, у режиї Сенади Милинович, и „Яблучочка“ дзецинскей драмскей секциї ОШ „Сримски фронт” зоз Шиду, у режиї наставнїци Снежани Матич.

Як гварел режисер Аничич, Шидянє з тоту представу по руски уж нєшка наступя у Дюрдьове, у рамикох „Змайових дзецинских бавискох“, а и спомнути два представи участвую на „Змайових дзецинских бавискох“ у Новим Садзе.

ПОВЯЗАНИ ТЕКСТИ