РФВ: За обрацаюци средства 100 милиони динари

автор ртв/ядю
829 Опатрене

НОВИ САД – Розвойни фонд Автономней покраїни Войводини поволал шицких заинтересованих поднїмательох же би ше приявели на конкурс за краткотирваци кредити за обрацаюци средства. Вкупни фонд виноши 100 милиони динари, а конкурс тирва покля ше предвидзени средства нє потроша.

Основни циль одоброваня кредиту Розвойного фонду АП войводини обезпечованє финансийних средствох котри наменєни финансованю обрацаюцих средствох потребних за обезпечованє континуитету дїловних процесох подприємства у цилю звекшованя занятосци.

У складзе зоз кредитну способносцу того хто поднєше вимогу, пожички ше дава у сумох од 300 тисячи по 20 милиони динари, зоз роком одплацованя до 12 мешаци и „ґрейс’” периодом од 3 мешаци. Рочна фиксна каматна стопа од 1 по 3 одсто.

Право участвовац на конкурсу маю правни особи и поднїмателє котри дефиновани як микро, мала або штредня правна особа. Хаснователє средствох муша мац реґистроване шедзиско на териториї АП Войводини, а инвестиция котра ше финансує муши буц реализованя на териториї Покраїни.

Вецей о конкурсу може найсц на интернет боку Розвойного фонду Войводини www.rfv.rs.

ПОВЯЗАНИ ТЕКСТИ