РУСКИ КЕРСТУР – Роботнїки ЯКП „Руском” тих дньох робя порядне єшеньске ушоренє парку у центре валала, а дзень пред тим помогли розчисциц желєнїдло у дворе Здравственей амбуланти.
Вчера и нєшка ушорює ше парк у центре дзе роботнїки поорезовали сухи конари на древох, позаметане лїсце и шицко винєшене. Гоч то нє у його инґеренциї, „Руском” дзень пред тим помогнул поорезовац черяки, покошиц и вивесц шмеце з двора у амбуланти.
