Св. Миколай обрадовал дзеци и у Митровици и Беоґрадзе

автор о. влв
640 Опатрене

СРИМСКА МИТРОВИЦА/БЕОҐРАД – Дзеци и їх родичи, зоз кратку програму, привитали св. Миколая у Сримскей Митровици и Беоґраду.

У Митровици Миколай подзелєл 105 пакецики, а у Беоґрадзе 26-еро дзеци достали дарунки од св. Миколая. Програму у Митровици пририхтали учительки Славица Канюґа и Моника Абодї, котри привитали Миколая по українски и по руски.

Велї вирни ше одволали помогнуц св. Миколайови и дзецом зоз аж штирох штирочлених фамелийох. То була нагода же би пришли и дзеци котри кресцени у нашей церкви, алє до тераз нїґда нє приходзели.

Окрем присутних, Миколай и його помоцнїки рознєсли дарунки и дзецом з окремнима потребами котри нє могли присц до церкви.

ПОВЯЗАНИ ТЕКСТИ