Синдикати вимагаю звекшанє „минималцу” на 154 динари

автор бта/мар
936 Опатрене

СЕРБИЯ – Репрезентативни синдикати вимагаю звекшанє минималней цени роботи зоз 130 на 154 динари за годзину, а Уния роботодавательох понука звекшанє од коло осем одсто, цо видзе 140 динари, виявел ґенералини секретар Союзу самостойних синдикатох Сербиї Зоран Михайлович.

Вон гварел и же условиє роботодавательох же би нєопорцийована часц заробку, хтора тераз 11 600, була звекшана за осем одсто, а кед же Влада на тото нє пристанє, вони понукаю минималне звекшанє заробку од три одсто.

Михайлович наглашел же ше шицки три социялни партнере усоглашели же потребне звкшац минимални заробок, док роботодавателє ище скорей спозорйовали же за то нєт условия.

Наявене же идуцого тижня буду предлужени розгварки о звекшаню ”минималцу”, хтори би мал буц усоглашени по 15. септембер, цо вчера потвердзела и предсидателька Влади Ана Брнабич.

Минимални заробок од 22 880 динари у Сербиї маю коло 350 000 роботнїки, а за остатнї петнац роки тот заробок звекшани лєм 15 динари по годзини.

ПОВЯЗАНИ ТЕКСТИ