Средства за опреманє фармох

автор мар
805 Опатрене

НОВИ САД – Покраїнски секретар за польопривреду, водопривреду и лєсарство Вук Радоєвич на штанду Секретарияту на Медзинародним польопривредним сайме у Новим Садзе 18. мая уручел контракти о безповратних средствох польопривреднїком котри тото право витворели на конкурсу за опреманє статкарских фармох у Войводини у 2017. року.

Подписани осем контракти зоз статкарами котри маю реґистроване польопривредне ґаздовство, а цалосна вредносц контрактох и инвестицийох коло 13,5 милиони динари. Учасцу спомнутого покраїнского секретарияту 50 одсто.

– Обрабяме ище 40 прияви на тот конкурс, та обчекуєме же буду вихасновани шицки опредзелєни безповратни средства за опреманє статкарских фармох. З нашим конкурсом облапени шицки типи фармох. Нєшка маме осем подписнїкох за пейц фарми кравох и штири швиньох, а медзи фармерами штверо младши од 40 роки. То ище єден доказ же ше млади опредзелюю за интензивну польопривредну продукцию. З тераз подписанима вєдно маме 23 контракти, вредносци 27 милиони динари, а з ребалансом буджету буду опредзелєни дополнююци средства за опреманє статкарских фармох – гварел покраїнски секретар за польопривреду Вук Радоєвич.

ПОВЯЗАНИ ТЕКСТИ