Унапредзенє безпечносци дзецох у транспорту

автор ртв, фото novisad.rs
674 Опатрене

НОВИ САД – Нєшка у Новим Садзе отримани фахови сход „Наставнїк як фактор котри вплївує на безпечносц дзецох у транспорту” котри орґанизовал Центер за унапредзенє безпечносци у транспорту и компания „Андзор енджиниринґ” з финансийну потримовку Совиту за координацию роботох безпечносци транспорту на драгох териториї Городу Нового Саду.

Совит за координацию роботох безпечносци транспорта принєсол програму за 2017. рок котра облапя и едукацию дзецох, їх учительох и наставнїкох.

Началнїк Городскей управи за транспорт и драги Дьордє Басарич визначел же вецей як 16 тисячи дзеци од першей по штварту класу потераз почали едукацию, а тераз ше уключели и їх едукаторе.

Началнїца Городскей управи за образованє Лидия Томаш визначела же городска управа потримує таки обуки котри маю за циль подзвигованє свидомосци о безпечносци наших наймладших у транспорту, а перманентна едукация дзецох младшого возросту доприноши унапредзеню култури транспорта и безпечносци його учашнїкох.

Директор департмана за транспорт Факултета технїчних наукох Драґан Йованович додал же тот задаток виволанє и нєобходне же би участвовали шицки субєкти дружтвеней заєднїци же би ше циль витворел.

ПОВЯЗАНИ ТЕКСТИ