У Вербаше отримани Инфо-дзень за вибеженцох

автор злк
801 Опатрене

ВЕРБАС – У просторийох Општини Вербас стреду, 7. марца, отримани Инфо-дзень за особи котри мали, лєбо ище вше маю статус вибеженцох.

През филм на схадзки презентоване кельо локална самоуправа у сотруднїцтве зоз покраїнску и републичну Владу помогла вибеженцом же би ришели проблеми з котрима ше зочую.

Тиж так, представени нєдавно подписани Контракт медзи Општину Вербас и Комесариятом за вибеженцох и миґрациї Републики Сербиї, чийо представнїки тиж присуствовали на схадзки.

Предсидатель Општини Вербас Милан Ґлушац формовал комисию котра будзе одредзовац хто сполнює условия же би достал квартель котри фамелиї годни достац под жедлярину на шейсц мешаци, а потим исти годни одкупиц по 50 одсто нїзшей цени од преценєней цени на тарґовищу.

IMG_5499

ПОВЯЗАНИ ТЕКСТИ