У Дюрдьове було Стретнуце руских предшколских дзецох

автор сас
941 Опатрене

ДЮРДЬОВ – Вчера, 19. мая, у дюрдьовским Оддзелєню „Дюрдєвак” Предшколскей установи (ПУ) „Дзецинство” зоз Жаблю отримане Шесте Стретнуце предшколских дзецох котри виучую руски язик. Попри домашнїх, на Стретнуцу були дзеци з рускокерестурского Оддзелєня „Цицибан” ПУ „Бамби” з Кули и коцурского Оддзелєню „Герлїчка” ПУ „Бошко Буха” з Вербасу.

Дзеци єдни другим и вєдно рецитовали и шпивали, а по програми ше дружела и бавели. У Дюрдьове нащивели и Руску одлогу, дзе им воспитачки бешедовали о виставох – стаємней и тематскей постановки пошвеценей Фестивалу „Най ше нє забудзе”.

Госцох у Дюрдьове привитали директорка ПУ „Дзецинство” зоз Жабелю Светлана Бошков, главна воспитачка ПУ Даница Андрич и воспитачки Марина Сабадош, Оля Балїнт, Александра Виславски и Єлена Мудри.

Приход дзецох до Дюрдьова финансовал Одбору за образовнє Националного совиту Руснацох, чия предсидателька Мелания Римар тиж привитала дзеци и присутних на  тим стретнуцу.

ПОВЯЗАНИ ТЕКСТИ