У Керестуре нєшка Дзень школи

автор мар
815 Опатрене

РУСКИ КЕРЕСТУР – З рижнима програмами, у Руским Керестуре нєшка будзе означени Дзень Основней и штреднєй школи з домом школярох „Петро Кузмяк”.

На 10 годзин у голу Школи будзе отворени Саям науки з вецей наставних предметох и наукових обласцох, хтори пририхтую школяре зоз своїма наставнїками.

Шветочна музично-танєчна програма будзе у Велькей сали Дому култури на 18 годзин, а по програми у Школи будзе отворена вистава подобових роботох професора у керестурскей Школи Иґора Радовича.

На програму поволани шицки школяре, їх родичи, просвитни роботнїки и вообще Керестурци, а у Школи обчекую и представительох шицких уровньох власци, представительох руских институцийох, руских школох з других местох, як и образовних установох з кулскей општини.

 

 

ПОВЯЗАНИ ТЕКСТИ