У Кули була „Вай-фай принцеза”

автор мзг
1.2k Опатрене

КУЛА – Ґлумци зоз Дзецинскей драмскей секциї кулского РКУД „Др Гавриїл Костельник” вчера, 24. авґуста, у Културним центре у Кули премиєрно виведли представу „Вай-фай принцеза” Людмили Шандаловей, у режиї Нади Лендєр.

Дзешецеро ґлумци, з хторих векшина першираз ґлумела, одбавели приповедку о хороти нєшкайшого дружтва, зависносци од интернета, и красному числу публики указали же вон источашнє и хасновити, кед ше го зна хасновац, алє и тото же треба направиц ровновагу медзи сучасним и традицийним.    

У представи ґлумели Весна Вонич, Наталия Жирош, Мария Жирош, Дарян Пирожек, Мартина Барна, Серґей Барановски, Лара Сопка, Дарко Вукелич, Уна Пирожек и Невена Люмович.

За шветло бул задлужени Янко Лендєр, за тон Мирослав Стричко, за костими Дияна Канюґа, а текст представи на руски язик преложела Александра Лендєр.

ПОВЯЗАНИ ТЕКСТИ