У Школи отворена Вистава „Русийски емиґранти у Сриме”

автор маф
690 Опатрене

РУСКИ КЕРЕСТУР – Виставу „Русийски емиґранти у Сриме и Сримскей Митровици” вчера у голу Школи „Петро Кузмяк” отворел аташе за културу амбасади Русийскей федерациї у Беоґрадзе пан Александар Конанихин.

Вон з тей нагоди спомнул и вязи Русиї и Руснацох у прешлосци, а тераз поволал школярох учиц русийски язик цо им отвера перспективи за роботу, як и на стипендовани студиї у Русиї. 

Виставу, хтору з нагоди 100-рочнїци русийскей емиґрациї до Сербиї и Сриму пририхтал Историйни архив „Срим” у Сримскей Митровици, керестурским школяром и наставнїком представел и директор Архиву Деян Уненич.

О вистави бешедовал и член русийско-сербского приятельства зоз Кули Ґавра Веселинович зоз Кули дзе тиж госцовала тота вистава, вєдно у 10 городох у Сербиї од початку того року.

Госцох привитал предсидатель Рускей матки Дюра Папуґа, на чию инициятиву и витворене госцованє тей вистави у Руским Керестуре.

ПОВЯЗАНИ ТЕКСТИ