У новим „Руским слове”

автор ядю
945 Опатрене

НОВИ САД – Трицец пияте тогорочне число новинох „Руске слово” звекшого, у рубрикох „Нашо места” и „Економия”, пише о законченей Манифестациї „Днї керестурскей паприґи”.

Попри тим, у „Тижньовнїку” пише о перших двох придатих лїстинох за наиходзаци виберанки за нове зволанє Националного совиту Руснацох, док на „Наших местох”, медзи иншим, зазначена нащива медицинских шестрох з вербаского Общого, єдному шпиталю у Голандиї.

„Култура и просвита” преноши упечатки зоз Фестивала „Днї нового хлєба” у Новим Орахове и „Миклошевци 2018”, а „Людзе, роки, живот” упознаваю читачох зоз новинаром Янком Хомовим з Нового Саду и фамелию Рибович зоз Дюрдьова.

„Духовни живот” зазначел як преславени кирбаї у Коцуре и Бикичу.

Рубрика „Спорт”, медзи другима вистками, пише о резултатох фодбалских змаганьох наших клубох у єшеньскей часци першенства, як и о законченим юниорским Купу нацийох у боксу у Вербаше и Турниру у кошарки 3 на3 у Руским Керестуре.

При концу новинох и рубрика з рецептами „Хладок и горуци тепши”, а як додаток вишло „Литературне слово”.

ПОВЯЗАНИ ТЕКСТИ