У тим тижню нагода за споведз

автор сас
795 Опатрене

ДЮРДЬОВ – Шицки вирни дюрдьовскей парохиї по штварток маю нагоду за споведз, кажди дзень од 17 по 18 годзин, а потим, на 18 годзин, будзе Служба Божа.

На штварток дополадня будзе споведз хорих, старих и нєрухомих особох, котрих треба приявиц на парохию, на телефон 021/270-34-93.

На Вельки пияток, на 9 годзин, буду Царски часи, на 15 годзин Вечурня Исусового хованя, а на 18 годзин надгробне бдиниє, Єрусалимска утриня.

На Вельку соботу, од 8 по 10 годзин, будзе велька споведз, та о. Михаил Холошняй окреме поволал младих и дзеци же би пришли на споведз. Такой потим, на 10 годзин, будзе Служба Божа св. Василия Велького, а на 22 годзин Воскресна Утриня зоз обходом коло церкви. На нєдзелю, на 10 годзин, будзе Литурґия св. Йоана Златоустого и пошвецанє пасхи. На 18 годзин Воскресна вечурня.

На Други и Треци дзень Велькей ноци служби буду на 10 годзин, а на 18 годзин Вечурня. На Други дзень после Служби будзе мированє.

ПОВЯЗАНИ ТЕКСТИ