У януаре у Новим Садзе менши плаци

автор 021/сен
967 Опатрене

НОВИ САД – У одношеню на децемберску, януарска плаца у Новим Садзе менша аж за 24 000 динари, пише 021. Найновши податки з Републичного заводу за статистику (РЗС) указую же у децембру штредня нето плаца була 65 184 динари, а у януаре 41 475 динари, цо ше толкує з тим же у децембру роботнїки достали тринасту плацу, бонуси и заостати заробок.

Найвекшу плацу у Войводини мали жителє Панчева, штреднє 43 884 динари, а найменши заробок мали заняти у Оджаку, штреднє 19 031 динар.

Медзитим, статистика часто нє указує реални стан. Податки указую же кажди штварти граждан на „ризику од худобства”, а то живот з менєй як 31 332 динари за фамелию зоз штирома членми, 26 856 динари за фамелию з трома членми, а за саму особу „ризик за живот у худобстве” 14 920 динари.

По виглєдованьох хтори окончел 021, штреднєй фамелиї у Войводини нє остава пенєжи за купованє анї єдней кнїжки, нє може себе обезпечиц квалитетне костиранє, а дзепоєдни обисца нє маю основну билу технїку.

ПОВЯЗАНИ ТЕКСТИ