Шесте медзинародне припознанє

автор опс 23. фебруар 2017

Тих дньох академикови Юлиянови Тамашови уручене шесте медзинародне припознанє Грамота/Повеля Ректора Львовского националного универзитета „Иван Франко”, хтору 11. новембра 2016. року подписал ректор В. П. Мельник. У припознаню пише:

„Подзекованє Юлиянови Тамашови, академикови НАН України, докторови филолоґийних наукох, професорови, шефови Катедри русинского язика и литератури Новосадского универзитета, Сербия, за значне особне доприношенє у розвою українистики, утвердзеня медзинародного авторитету українского язика и популаризованю українскей култури у швеце”.

По нєшка Тамаш приял пейц медзинародни припознаня: Академик НАН України 1997. року, Награда „Лаза Костич” на Медзинародним салону кнїжкох у Новим Садзе за проєкт Вибраних творох I-IV. 2002. року, Орден Влади України за значне особне доприношенє консолидованю шветового українства, 2005. року, Златну фортуну 26 академийох наукох Заєднїци нєзависних державох за доприношенє шветовей цивилизациї зоз Грегориянску медалю Чесц, слава, труд 2006. року, Почесни доктор Ужгородского националного универзитета зоз златну медалю 2009. року.

У мено одсутного академика Тамаша Повелю приял проф. др Янко Рамач.

(Опатрене 93 раз, нєшка 1)