Валентина Чизмар

Valentina DSCF0016za zbirkuВАЛЕНТИНА ЧИЗМАР народзена 16. септембра 1979. року у Вербаше. Ґимназию дружтвено-язичного напряму закончела у Вербаше, а 2004. року закончела студиї филозофиї на Филозофским факултету у Новим садзе. Робела 4 роки як асистент на Одсеку за филозофию у Новим Садзе на предметох Увод до филозофиї, Естетика, Сучасна филозофия, Филозофска терминолоґия и други. Маґистровала 2009. року на Универзитету у Восточним Сараєве, Филозофски факултет Пале зоз тему Поняце живота и превладованє нигилизма у филозофиї Фридриха Ничеа. Докторовала у Беоґрадзе 2015. року. Закончела и специялизовани студиї новинарства у Новим Садзе. Обявела векше число филозофских роботох у часописох по Сербиї, а пририхтана єй за друкованє кнїжки Ниче и афирмация живота. Пише поезию и есеї. Обявює у рускей и сербскей периодики. Кнїжка Нїтки єства єй обявена 2010. року.