ЕВҐЕНИЙ ЧАКАН наставнїк-педаґоґ, лектор и язични редактор, составяч учебнїкох и ґлумец-аматер народзени 13. марца 1931. року, у Руским Керестуре.
У Руским Керестуре и Вербаше закончел основну школу и ґимназию, а после законченя Висшей педаґоґийней школи у Новим Садзе, 1953. року почал робиц як наставнїк у Коцуре. Од 1955. року робел у Основней школи у Руским Керестуре, дзе преподавал три язики – руски (мацерински), сербскогорватски и русийски. Од 1969. року преходзи на роботу до Нового Саду – до Новинско-видавательного подприємства Руске слово, дзе як лектор и язични редактор шицких виданьох робел 22 роки, по 1991. рок, кеди пошол до скорейчасовей пензиї. Евґений Чакан бул барз добри познаватель руского и других язикох. Умар 5. априла 1996. року и поховани є у Новим Садзе. Кнїжка „Бачвански сафари” писана шейдзешатих и седемдзешатих рокох прешлого вику.