Апел за знїщованє амброзиї на териториї вербаскей општини

автор ол. русковски
365 Опатрене

ВЕРБАС – Општинска управа Вербас – Оддзелєнє за урбанизем, квартельни роботи, защиту животного стредку и енерґетски менаджмент и Оддїл за защиту животного стредку и енерґетски менаджмент апеловали на шицких жительох вербаскей општини же би у наиходзацим периоду частейше отримовали и тримали чисти и покошени свойо парцели, простор коло хижи, двори, желєни поверхносци и подобне, же би на тот способ зоз заєднїцкима моцами вплївовали на амброзию.

Окреме осторожни треба же би були власнїки и хаснователє польопривредней обробеней и нєобробеней жеми, заградкох, заградох, польох, винїцох, пажицох и тому подобне, як и управяче водоцекох и беґельох и поверхносцох при водоцекох и беґельох. Тиж, апеловане на управячох поверхносцох коло явних драгох и гайзибанских драгох и тих котри их отримую, на управячох паркох, природних доброх, теметовох и других желєних поверхносцох, як и на власнїкох и хасновательох запущених поверхносцох коло драгох, дражкох, лейох, парлаґох, запущених паркох, и друге.

Општинска управа Вербас апеловала на гражданох на основи Уредби о мирох зопераня и знїщованя коровчовей рошлїни амброзиї Ambrosia artemisiifolia, потим Инструкцийох о применьованю Уредби Министерства польопривреди, лєсарства и водопривреди и Програми систематичного зопераня амброзиї Ambrosia artemisiifolia i Ambrosia trifida на териториї општини Вербас за 2021. рок.

Модля ше гражданє же би закоровчени, запущени и нєотримовани поверхносци приявели Општинскей управи прейґ линку https://sistem48.vrbas.net/, лєбо инспекциї на числа телефонох 021/ 706 310 и 064/ 805 31 32.

ПОВЯЗАНИ ТЕКСТИ