КРИЖЕВСКЕ ВЛАДИЧЕСТВО/МИКЛОШЕВЦИ – Грекокатолїцки вирни у Крижевским владичестве вчера по новим календаре преславели Квитну нєдзелю. Служби Божо, на хторим пошвецени багнїтки, служени у наших церквох у Миклошевцох, Петровцох, Вуковаре, Винковцох и у Осиєку.
У церкви Рождества пречистей Дїви Мариї у Миклошевцох Служби були на 10,15 и на 19 годзин, а служел парох миклошевски и викар славонско-сримски о. Яким Симунович.
У казанї о. Симунович визначел же тото швето представя вельку подїю за Християнох котри Исуса, вєдно з апостолами, витали и поздравяли „Осана !” На концу Служби, о. Симунович благословел багнїтки, з хторима тиж визначена вирносц ґу Спасительови и цали рок ше их чува у обисцох.
У Вельким тижню кажди дзень, крем на пияток, вирни ше през молитву, споведз и причащанє духовно буду пририхтовац за Вельку ноц.
