СРИМСКИ КАРЛОВЦИ – У 27. колу Подручней фодбалскей лиґи Нови Сад, хторе одбавене 17. мая у Сримских Карловцох, фодбалере ФК Бачка 1923 зоз Дюрдьова бавели нєришено у стретнуцу зоз фодбалерами ФК „Стражилово”, а стретнуце закончене зоз резултатом 3:3.
Ґоли за Бачку посцигли Янко Вуйович у 3. минути, Желько Тривунович у 27. минути и Милан Роґич у 60. минути. Жовти картон у екипи Бачкей достал Драґан Тривунович.
У другим полчаше, у 58. минути фодбалер дюрдьовскей бачки Неманя Надьфей посцигнул автоґол, а домашня екипа дала ґоли у 62. и 83. минути.
После того кола Бачка ище вше на остатнїм месце на таблїчки зоз двацец трома бодами. У шлїдуюцим колу Дюрдьовчанє ше на домашнїм терену стретню зоз фодбалерами OФК Сириґ зоз Сириґу.