Валал на нїх нє забул

автор люр 8. децембер 2016

Женски форум ,,Армида” зоз Нового Орахова уж по традициї у новембру у пририхтує приєм за седемдзешатрочних. Того року то було прешлого тижня у Руским доме, пришло коло сто особи, а по евиденциї, у валалє жию вецей як 230 таки особи. Бул орґанизовани превоз на автох за тих котри нє могли присц сами.

Присутним порихтана кратка програма, у котрей участвовали школяре зоз Основней школи, дзецинска фолклорна група, драмска секция и студио модерного танцу. Орґанизаторе за шицких присутних порихтали по єден мали дарунок, на столох було колача и напой за ошвиженє, а, вец заграла музика, та ше танцовало. На концу, шицки ше дому розишли барз задовольни же на нїх валал нє забул.

(Опатрене 90 раз, нєшка 1)