Два розлични полчаси

автор а. медєши
292 Опатрене

БАЧ – У 31. колу Подручней фодбалскей лиґи Зомбор, фодбалере Русина всоботу, 22. мая, одбавели змаганє у Бачу, дзе страцели од домашнєй Твердинї, з резултатом  4:3 (2:0).

Подмладзени тим Русина нє знашол ше у першим полчасу, та резултат ишол на хасен домашнїх. На самим початку другого полчасу, домашнї дали ище єден ґол, зоз чим наявели Русиново пораженє. Но, нагла пременка настала кед за нєполни 10 минути Русин дава 3 ґоли, зоз чим виєдначує резултат.

Перши ґол за Русин дал Янко Кулич, други ґол потим дава Неманя Ковачевич, бавяч зоз кадетскей екипи Русина, а у 74. минути Боян Бранкович зоз прецизним бицом виєдначує резултат на 3:3. Кед уж шицки думали же ше змаганє закончи зоз нєришеним резултатом, домашнї при самим концу змаганя даваю ище єден ґол.

Русин наступел у составе – Калинич, Тома, Голик, Ланчужанин (Чонка), Малацко, Ковачевич, Джуджар, Будински (Саянкович), Кулич, Бранкович, Даноєвич.

Ґоли за Русин дали  Кулич, Ковачевич и Бранкович.

Тей нєдзелї, 30. мая, до Керестура приходзи трецопласована екипа Будучносци зоз Младенова, а змаганє на Ярашу почнє на 17,30 годзин.

ПОВЯЗАНИ ТЕКСТИ