КОЦУР – Основна школа ,,Братство єдинство” у Коцуре нєшка, 17. януара, означела Националне швето Руснацох зоз своїма школярами.
Учительки у руских оддзелєньох зоз школярами бешедовали о историї Руснацох и приблїжели им руски обичаї. И школяром сербских оддзелєньох на першей годзини бул читани пригодни текст о Дню Руснацох и його значносци.
З нагоди того швета, школяре направели и панои котри облапяли фотоґрафиї и рисунки зоз рускей прешлосци, зоз руского фолклору, з мотивами зоз живота Руснацох. На одпочивкох ше прейґ розгласу пущало руски дзецински и народни шпиванки.
На таки способ цали нєшкайши дзень у Школи бул пошвецени рускей заєднїци.
