КОЦУР – У коцурскей Грекокатолїцкей церкви Успения Пресвятей Богородици внєдзелю, 13. априла, преславена Квитна нєдзеля.
Окреме нащивена була Дзецинска служба котра почала на 8 годзин. Службу Божу служел декан бачки и парох коцурски о. Владислав Рац, а през казань шицких присутних здогаднул на значносц того швета.
Багнїтки за Квитну нєдзелю пошвецени у раншей Служби Божей. Члени Церковного одбору того року були задлужени за пририхтованє багнїткох, а познєйше их и дзелєли парохияном.
После каждей Служби Божей вирни могли вжац багнїтки и з нїма однєсц благослов до своїх домох, як и на гроби своїх милих покойних, яки обичай на Квитну нєдзелю.
