Гоч ше волаю китайски плєскавици, вони нє барз вязaни за Китайцох, а прецо таку назву достали остало нєпознате. Схопна кухарка ше нє муши точно притримовац шицких состойкох, бо жиєме у чаше кед у обисцу можебуц и нє маме шицко цо начишлєне, алє плєскавици вшелїяк вше буду смачни.
Потребне:
- 500 ґр млєтого меса
- 2 вайца
- дакус олєю
- 2 деци води
- 4 ложки муки
- 2 цибульки
- 3 струча цеску
- петрушково лїсце
- пол пращка за печенє
- попер
- кус солї.
Так треба приготовиц:
Витрепац вайца, додац млєте месо, муку, олєй, воду, пошекану и попражену цибульку, цеснок, петрушково лїсце, попер, кус солї и пращок за печенє. Зоз видлїчку шицко добре вимишац.
Плєскавици виберац зоз ложку и класц до горуцей масци або олєю. Печиц зоз обидвох бокох док нє достаню златно-кафову фарбу. Служиц зоз пире-кромплями, лєбо з даєдну другу ярину. Смачни су и жимни.