Когуцики ФК „Славия” успишни на турниру у Пачиру

автор Любомир Рац 5. юлий 2015

Концом юния когуцики ФК „Славия” зоз Нового Орахова участвовали на меморийалним турниру ,,Милан Проле – Джиґи” у Пачиру. На турниру окрем домашнїх бавели екипи ФК „Раднички” зоз Баймоку и ФК „Славия” зоз Нового Орахова.

Бавело ше по системи кажде зоз каждим. У першим змаганю Славия  надбавела Раднички и заслужено победзела зоз 4:1. Зоз домашнїма Славия бавела нєришено 5:5. Но, важне надпомнуц же когуцики Славиї були лєпши и од домашнїх и водзели зоз 5:2, алє нажаль при концу вистали и домашнїм ше зоз кус спортского щесца поспишело вировнац резултат.

У остатнїм змаганю, котре було Ораховчаньом найинтересантнєйше,  понеже ґол разлика одлучовала о першим месце. Но, екипа ФК „Раднички” победзел домашнїх зоз 8:3. Так Славия освоєла перше место, Раднички друге, а домашнї Пачир завжал треце место.

Тренер когуцикох Славиї Яким Гайдук Кико бул задовольни зоз бависком Славийових когуцикох котри ше до конца притримовали його совитох, та нє виостал анї резултат. Орґанизация турнира була на високим уровню и шицким учашнїком турнира длуго останє у паметаню друженє после одбавених змаганьох.

Пионире Славиї ше змагаю у Општинскей лиги Бачка Тополя и Мали Идьош. Першенство закончене, а змагали ше дзевец екипи. Славийово пионире завжали пияте место.

 

(Опатрене 58 раз, нєшка 1)