Колач з маком и кайсовим маджуном

автор сфе 31. марец 2015

Потребне:

2 вайца

5 ложки цукру

у пальцох солї

4 деци млєка

30 деки млєтого маку

20 деки масци

65–70 деки муки

пол пращку за печенє

4 добри ложки домашнього маджуну з кайсох

швижи квас.

До двох децох лїтного млєка положиц квас и ложку цукру, кед кус подкишнє змишац зоз єдним вайцом и єдним жовчком (бильчок охабиц за конєц), додац кус солї, масц, пращок и муку.

Цесто розогнац и подзелїц на два часци. Першу часц положиц до нєвелькей тепши и намасциц з маджуном.

Мак попариц з горуцим млєком, додац цукер, помишац и покласц по цесту з маджуном. З ножом вировнац.

Розогнац другу половку цеста и положиц на тепшу (закриц колач).

По верху намасциц зоз на поли витрепаним бильчком.

Печиц на 180 ступнї, док од верху колач нє достанє златно-доганову фарбу.

 

(Опатрене 280 раз, нєшка 1)

НАПИШЦЕ УПЕЧАТОК