Конкурс „Коцурскей чутки” отворени по конєц септембра

автор ол. русковски
366 Опатрене

КОЦУР – Медзинародни фестивал гумора и сатири „Коцурска чутка 2021” заказани за остатнї викенд у новембру, а конкурс котри розписани за духовитих креативцох предлужени и будзе отворени по конєц септембра.

По словох предсидателя Културно-просвитного дружтва ДОК – Нови Сад проф. др Михайла Фейси, на Конкурс уж сцигли вецей роботи, а з тей нагоди поволал читательох и читательки же би анимировали себе и своїх ближнїх и явели ше на конкурс „Коцурскей чутки” по конєц того тижня.

Конкурс розписани на два теми: „Пандемия и я”, и „Попис жительства, статку и дробизґу”, мож писац и гумористичну приповедку або писню, сатиричну писню або приповедку, карикатуру, афоризми, вици…

Лауреати буду представени под час отримованя Централного вечара Манифестациї „Коцурска чутка 2021”, чийо отримованє плановане за 27. новембер.

ПОВЯЗАНИ ТЕКСТИ