Крачунски концерт вчера бул и у Коцуре

автор злк
936 Опатрене

КОЦУР – Вчера, 8. януара, Други дзень Рождества Христового вирни у Коцуре преславели на Службох Божих и з Рочним, односно Крачунским концертом у Доме култури.

На Концерту хор нашей церкви Успения Пресвятей Богородици шпивал коляди‚ дзеци з римокатолїцкей церви през точку „Бетлегем” приказали свойо крачунски обичаї‚ КУД „Завичайно врело” указало як православни вирни преславюю Крачун‚ а танєчнїки КУД „Жатва” одтанцовали даскельо танци.

Школяре з виронаучней ґрупи грекокатолїцкей церкви, котру пририхтала вироучителька Ксения Бесерминї, тиж приказали як дзеци доживюю Крачун, а перши раз на Крачунским концерту наступели и вирни з коцурскей Євангелскей церкви, котрих пририхтал лаицки пастор Александар Суботин.

Конферансу на тим уж традицийним Рочним-Крачунским концерту у Коцуре водзела Емилия Чизмар.

З Рочного-Крачунского концерту у Коцуре

ПОВЯЗАНИ ТЕКСТИ