Кризни штаб принєсол одлуку о нових мирох у Беоґраду

автор я. дюранїн, фото pixabay
509 Опатрене

БЕОҐРАД – Вчера на схадзки здравственого Штабу за Беоґрад принєшени нови мири у зопераню ширеня коронавируса, преноши сайт Радио-телевизиї Войводини.

Од нєшка важи подполна забрана орґанизованого явного зазберованя вецей як 10 особох у завартих и отворених просторох, огранїчує ше число людзох у шицких завартих просторох по принципу 1 особа на 4 квадратни метери и огранїчує ше роботни час обєктох завартого простору од нєшка на нєодредзени час од 21 по 6 годзин рано, а за отворени простори и башти по 23 годзин.

Премиєрка Ана Брнабич виявела по схадзки Кризного штабу же ше тоти мири одноша на Беоґрад и же ше увидзи як будзе далєй, мири ше буду меняц кед будзе потребне у складу зоз числами.

Премиєрка гварела же на схадзки Кризного штабу догварене же ше даєдни оштрейши мири буду приношиц за тоти штредки и локални самоуправи у котрих ситуация зоз коронавирусом нєстабилна, насампредз за Беоґрад дзе, як гварела, найкритичнєйше.

Най здогаднєме, уж три вечари, нє лєм у Беоґрадзе алє и у других городох Сербиї, тирваю протести процив уводзеня забрани рушаня. После мишаня насилнїкох до мирних протестох, после перших двох дньох було покалїчених и полицайох и гражданох, а вчера вечар гражданє онєможлївели насилнїкох же би правели нєшор. 

ПОВЯЗАНИ ТЕКСТИ