Министер Шарчевич нащивел Чуроґ и Жабель

автор С. Саламун
626 Опатрене

ЧУРОҐ/ЖАБЕЛЬ – Вчера, 15. октобра, министер просвити Републики Сербиї Младен Шарчевич нащивел Основну школу (ОШ) „Дюра Якшич” у Чуроґу дзе го привитал предсидатель Општини Жабель Чедомир Божич, директорка ОШ Желька Воїнович, член Општинскей ради задлужени за образованє Лазар Чонкич, шеф кабинету предсидателя Општини Жабель Урош Раданович и помоцнїк предсидателя Општини Жабель Ново Доведан.

Министер Шарчевич зоз директорку Воїнович и предсидательом Божичом найвецей бешедовал о функционованю школи и укладаньох до того обєкта, нащивел кабинет за информатику и спортски терени у дворе ОШ.

После того у будинку локалней самоуправи у Жаблю министер просвити Шарчевич бешедовал зоз спомнутима чолнїками општини о укладаньох и проєктох у образованю у местох општини Жабель.

ПОВЯЗАНИ ТЕКСТИ