Награди и припознаня на закончуюцей шветочносци „Мешаца кнїжки”

автор маф
738 Опатрене

КУЛА/СИВЕЦ – Закончуюца шветочносц тогорочней Културно-пропаґандней акциї „Мешац кнїжки” КПЗ Кула, як и єй литературних и подобових конкурсох, будзе отримана нєшка у просторийох Библиотеки у Сивцу, на 18 годзин.

На шветочносци буду придати награди и похвали дзецом з Предшколскей установи „Бамби” и школяром зоз школох у кулскей општини хтори участвовали на подобових и литературних конкурсох у рамкох „Мешаца кнїжки”. Тиж будзе орґнизована и вистава подобових роботох наградзених, похвалєних и дзепоєдних других учашнїкох на конкурсу.

У предшколским возросту медзи наградзенима и Михайло Грубеня з Кули, котри достал другу награду за рисунок, та литературна робота Оливери Чакан, школярки осмей класи ОШ „Петефи бриґада” з Кули.

Медзи подобовима роботами школярох нїзших класох ОШ на вистави буду и роботи Теодори Грубеня з ОШ „Петефи бриґада” з Кули, та Филипа Барана, Катарини Чизмар и Ивани Планчак, школярох висших класох керестурскей ОШ „Петро Кузмяк”.

ПОВЯЗАНИ ТЕКСТИ