Найлєпшим школяром по лап-топ

автор зам
988 Опатрене

КУЛА – Општина Кула и того року з по єдним лап-топ рахункаром наградзела найлєпших школярох у основних и штреднїх школох, котри на концу школского рока преглашени за школярох ґенерациї.

На вчерайшей шветочносци дарунок достали осмеро з основних и штверо зоз штреднїх школох у шицких местох кулскей општини, а медзи нїма и тройо школяре з Руского Керестура – Антония Монар, школярка ґенерациї у Основней и Марияна Колошняї, школярка ґенерациї у Штреднєй школи „Петро Кузмяк”, як и Таня Надь, школярка ґенерациї у Школи за основне музичне образованє Кула.

 Дарунки школяром придали заменїк предсидателя Општини Кула Велибор Милоїчич и руководителька Оддзелєня за дружтвени дїялносци Општинскей управи Драґана Потпара. На шветочносци поведзене и же медзи штверима школярами ґенерациї у штреднїх школох и тройо котри за найлєпших преглашовани и по законченю ОШ, а єдна з нїх и Марияна Колошняї з Керестура.

Попри родичох школярох, на уручованю наградох присуствовали и директорка керестурскей Школи „Петро Кузмяк” Хелена Пашо Павлович и класни старшинове наградзених – Мария Балїнт и Єлена Петько, та директорка кулскей ШОМО Лїляна Барна Никитович.

 

Наградзени найлєпши школяре з местох кулскей општини, у ґалериї и школярки з Керестура

ПОВЯЗАНИ ТЕКСТИ