КУЛА – У грекокатолїцкей парохиї св. Йосафата 7. априла преславене швето Благовищенє Пречистей Дїви Мариї, а пошвецени и нови ризи.

На Служби Божей нови белави ризи, хтори ше буду хасновац на богородични швета, пошвецел парох єромонах Дамян Кича ЧСВВ, а ризи финансовани з манастирскей каси оцох василиянох, котри служа у нашей кулянскей парохиї.

Замерковане же на Служби Божей було вельо вецей вирних, поготов тих котри ше од початку пандемиї нє одважовали присц до церкви на богослуженя.

На шлїдуюцу нєдзелю и у кулянскей парохиї будзе преславена Квитна нєдзеля тє. багнїтки, а Служба Божа будзе на 9 годзин. У парохиї у Крущичу Служба Божа на Квитну нєдзелю почнє на 12 годзин.