На порядней роботнї придати и дипломи новосадским школяром

автор зам
1.1k Опатрене

НОВИ САД – У Руским културним центре (РКЦ) у Новим Садзе вчера отримана порядна роботня за дзеци, на хторей тераз правели писанки и заячки пред найвекшим християнским шветом – Вельку ноцу.

З дзецми робели учительки Ана Мария Рац и Оля Яковлєв, а як и за кажду, и за вчерайшу роботню цалосни материял и прибор за роботу обезпечел РКЦ.

На вчерайшей роботнї представителька Дружтва за руски язик, литературу и културу Ирина Папуґа троїм школяром висших класох з новосадских школох котри освоєли перше, лєбо друге место на Медзиокружним змаганю з руского язика (зоз седмерих), уручела дипломи. Медзиокружне змаганє отримане 3. априла у Коцуре у орґанизациї спомнутого дружтва.

Дипломи вчера уручени Михаилови Папови, Каролини Гарди и Дини Мудрох, а Марини Грубеня, Ани Петкович, Лари Петкович и Яни Бодвански дипломи уруча їх учительки руского язика.

ПОВЯЗАНИ ТЕКСТИ