На соботу квиз зоз руского язика

автор там 31. юлий 2015

Квиз за дзеци, хтори того тижня на Манифестациї „Под корунами на Штранду – медиї, уметносц и спорт”, ходза на роботнї зоз руского язика и култури будзе на соботу, 1. авґуста, од 18 до 20 годзин. За найуспишнєйших, за перше, друге и треце место, предвидзени вредни награди.

Попри знаня язика, на соботу будзе преверйованє и знаня о Европскей Униї. Роботня о Европскей униї отримана пондзелок, а EU Info Point партнер манифестациї.

Тидзень руского язика и култури и промоция новинох „Руске слово” и других виданьох  НВУ „Руске слово” отримує ше од пондзелку 27. юлия, по соботу 1. авґуст, на Манифестациї „Под корунами на Штранду – медиї, уметносц и спорт”, на штанду Библиотеки городу Нового Саду на Штранду у Новим Садзе.

Орґанизатор манифестациї Библиотека городу Нового Саду, Херор Медия Понт и Центер за розвой меншинских и локалних медийох.

 

(Опатрене 107 раз, нєшка 1)