На соботу „Ноц музейох” и у Руским Керестуре

автор олж
1.5k Опатрене

РУСКИ КЕРЕСТУР – Тема тогорочней „Ноци музейох” будзе шлєбода, у найширшим смислу того слова, а отрима ше у просторийох Школи „Замок” у орґанизациї Туристичного здруженя Руски Керестур  18. мая од 16 по 23 г.

З тей нагоди нащивителє годни опатриц музейну збирку у керестурским Замку и способ висцельованя рускей посцелї на 16,30 годзин. Пополадню од 17 по 19 г. буду орґанизовани роботнї за дзеци – подобова, кухарска, креативна вистава и роботня школярох ґимназиї зоз биолоґиї и ґеоґрафиї. Потим предвидзени роботнї виробку моделох у 3Д формату и креативна вистава и роботня школярох ґимназиї зоз математики и физики котри буду правиц ориґами фиґури, як и вистава и предаванє сувенирох и колачох здруженя женох „Байка”. Будзе орґанизована и деґустация традицийних руских єдлох, представянє руского народного облєчива и друженє зоз руску народну музику.

Туристичне здруженє Руски Керестур поволує жительох нашого валалу, а и ширше, же би же випровадзели активносци под час тей манифестациї. Ноц музейох то европски проєкт котри ше будзе реализовац у вецей як 50 городох у Сербиї, а Керестур єден з нїх. 

ПОВЯЗАНИ ТЕКСТИ