На соботу схадзка Одбору за образованє

автор М. Зазуляк Гарди
566 Опатрене

РУСКИ КЕРЕСТУР – Треца порядна схадзка Одбору за образованє Националного совиту Руснацох будзе отримана на соботу, 11. септембра у Руским Керестуре. 

На дньовим шоре, медзи иншим, буду информациї о учебнїкох за 2021/2022. школски рок, о орґанизованю стретнуца пошвеценого прекладаню учебнїкох и здобутком хтори принєсла онлайн настава, о знїманю школских годзинох по руски, а будзе бешеди и о приходу дзецох зоз наших местох на Драмски мемориял, як и о числу дзецох уписаних до руских оддзелєньох.

Схадзка почнє на 10.30 годзин у просторийох Националного совиту Руснацох.

ПОВЯЗАНИ ТЕКСТИ