На факултети треба врациц физичне воспитанє

автор  ртв/сен  
792 Опатрене

СУБОТИЦА – Прешлого пиятку, 27. марца, покраїнска секретарка за спорт и младеж Маринка Тепич у Суботици гварела же важне врациц физичне воспитанє на факултети. Тепичова о физичним воспитаню на факултетох бешедовала з нагоди отвераня спортских теренох у рамикох Студентского дому „Боса Миличевич”, а хтори финансовал Покраїнски секретарият за спорт и младеж.

З тей нагоди поручене же тот поцаг будзе як приклад же знова треба увесц физичне воспитанє на факултети, хторе утаргнуте 1998. року зоз Законом о универзитету. Идуци роки ше будзе робиц на укладаню до спортскей инфраструктури, а приоритет буду терени за школярох и студентох, пре звекшанє квалитету здравя студентох.

По Стратеґиї розвою школского спорту у АП Войводини предвидзене векше понуканє школских спортских секцийох и инсистованє на реализованю активносци на каждей годзини физичного воспитаня.

 

ПОВЯЗАНИ ТЕКСТИ