На ютре перша схадзка СО Кула у новим зволаню

автор зам
912 Опатрене

КУЛА – У Кули на ютре, 31. мая, будзе отримана перша, конститутивна схадзка Скупштини општини (СО) Кула у новим зволаню, а схадзку заказала дотерашня предсидателька СО Снежана Мркаич.

Попри потверзованя мандату новим одборнїком, на ютрейшей схадзки буду вибрани предсидатель и заменїк предсидателя СО, члени двох комисийох СО – за мандатно-имунитетни питаня и за кадрово, административни питаня и роботни одношеня, а будзе поставени и секретар Скупштини.

На дньовим шоре и вибор предсидателя Општини Кула и його заменїка, як и членох Општинскей ради Кула.

СО Кула ма 37 одборнїкох, а найвецей одборнїцки места у новим зволаню на виберанкох 24. априла освоєла лїстина Сербскей напредней странки (СНС) – 19.

По штири мандати освоєли лїстини Социялистичней партиї Сербиї (СПС), Демократскей странки (ДС) и Єдинственей Сербиї, а по два мандати Союз войодянских Мадярох, Сербска радикална странка и Русийска странка-Герцен Радонїч Кека.

ПОВЯЗАНИ ТЕКСТИ