Нови будинок РТВ заєднїцка робота Покраїнскей влади и РТВ

автор сен
941 Опатрене

НОВИ САД – Длугорочни процес вибудови нового будинку Радио-телевизиї Войводини (РТВ) будзе водзиц менаджмент тей медийней хижи, а же би ше тоту значну инвестицию цо скорей витворело, потримовку будзе мац од Покраїнскей влади и других партнерох, гварене на вчерайшей схадзки предсидателя Покраїнскей влади Иґора Мировича и подпредсидателя Дьордя Миличевича з предсидательом Управного одбору РТВ Йовом Радичом и ґенералним директором Миодраґом Копривицом.

На схадзки прилапена Мировичова инициятива же би ше формовало заєднїцки одбор за вибудов нового будинку РТВ на Мишелуку. Вон предложел же би у одборе були представителє покраїнскей администрациї, Городу Нови Сад, представителє войводянского явного сервису и компетентних министерствох.

Процес вибудови будзе мац штири фази, порадзене на схадзки. У першей ше пририхта проєктну документацию, у другей звалї стари будинок на Мишелуку, цо будзе финансовац Покраїна у догварки з Городом. Треца фаза облапи будованє обєкту, а остатня фаза опреманє и отверанє нового обєкту.

Предсидатель Покраїнскей влади Иґор Мирович гварел же потримовка тому проєкту то обовязка спрам покраїнского явного сервису, хтори ма єдинствени концепт у окруженю, а то и емитованє емисийох на дзешец язикох.

ПОВЯЗАНИ ТЕКСТИ