Нєзвичайни писанки

автор рс 9. април 2015

Потребне:

видути вайца (шкарупини)

2 деци дестилованей води

пластична мисочка

лаґи за нохци у рижних фарбох

ценку палїчку, зубодлобку лєбо подобне.

Способ роботи:

До мисочки усипац дестиловану воду. Вжац лаґи за нохци (нє шму буц густи, бо ше нє розпуща у води). Капкац до води по два капки лаґу. Лаґ ше муши розисц по води, нє шме остац у грудкох. Кед ше лаґ накапка до води, на поверхносци ше направи ценка фолия. Писанки найкрасши кед ше миша вецей фарби, односно капка лаґи фарбу до фарби. Потим треба вжац видуте вайцо (нє треба го тримац у пальцох по ширини) и помали „котуляц” по поверхносци. Фолия ше сама залїпи за вайцо. Як помоц треба хасновац зубодлобку лєбо палїчку. Кед ше осуши, повториц поступок на други часци вайца. Писанки хтори офарбени з лаґом нє препоручене єсц.

(Опатрене 264 раз, нєшка 1)

НАПИШЦЕ УПЕЧАТОК