Нєшка стретнуце владических Каритасох Сербиї

автор олж
596 Опатрене

РУСКИ КЕРЕСТУР – Нєшка у  рускокерестурскей Водици, у нашим святилїщу,  будзе отримане Стретнуце владических Каритасох Сербиї на тему „Парохия+Парох+Волонтер=Успих”.

Госци стретнуца буду перши епарх Епархиї св. Миколая Георгий Джуджар, монс. Станислав Хочевар, директор националного Каритасу о. Ивица Дамянович, координатор националного Каритасу Дарко Тот и шицки директоре владических Каритасох. Стретнуцу будзе присуствовац и представитель Каритасу Австриї, священїкове и волонтере.

По словох директора Каритасу Епархиї св. Миколая у Руским Керестуре о. Владислава Варґу, на стретнуцу присутних привита кир Георгий Дждуджар, монс. Станислав Хочевар хтори отрима и преподаванє на спомнуту тему. После привитней бешеди будзе Служба Божа и робота по програми и розпорядку.

На концу Стретнуца будзе подзелєни благослов шицким присутним. Того дня будзе орґанизовани и Саям социялного поднїмательства, на хторим буду виложени продукти поднїмательох, хтори ше буду на предай.

На стретнуце поволани шицки заинтересовани за волонтеризем и стретнуце владических Каритасох Сербиї.

ПОВЯЗАНИ ТЕКСТИ